شهادات مأساوية للأطفال ضحـ ايا الاعتـ داء والتحـ رش بالمدرسة الدولية في القاهرة:
هستكمل نشر تفاصيل واحدة من أبشـ ع القضايا.. وهي قضية مدرسة sseeds في القاهرة واللي حصل فيها من اتهام ٣ مجـ رمين عمال في المدرسة بالاعتـ داء على ٥ أطفال (وربما أكثر).. واعتـ داءات تفوق خيال أي حد.. وأكيد حضراتكم عارفين قصدي إيه.. واللي هتقراه ده كان بيحصل مع الأطفال على مدار فترة طويلة مش قصيرة.
وحسب روايات الأمهات اللي اتكلمت مع بعضهم: قال الأطفال أمام النيابة تفاصيل مـ رعبـة عن الاعتـ داء عليهم.
أحدهم قال: كان معاه سكـ ينة بيهـ دني لو اتكلمت أو رفضت أعمل اللي بيطلبه.. كنت ببقى مرعـ وب.
أحدهم قال: كان بيربطني بحبل من إيدي ورا ضهري وأنام على بطني علشان خايف.. وكان بيلمـ س أماكن وحشة.
أحدهم قال: كان بيقولي لو قولت لحد هتـ مـ وت وكنت مش بعرف أعمل حمـ ام.. وكان بيحط بلاستر على الفم (بوقّي).
إحدى الأمهات قالت: صورنا فيديوهات لأولادنا بيتكلموا فيها عن تفاصيل اللي كان بيحصل معاهم علشان كنا خايفين ما يعرفوش يتكلموا قدام النيابة.. ووكيل النيابة ورئيس النيابة شافوها.. وفيه طفل قعد يومين مش بينطق لحد ما اتكلم قدام النيابة لما حس بالأمان.. والتحقيقات استمرت ٤٨ ساعة كاملة بدون راحة ولا نوم ولا حد روّح بيته.. لا طفل ولا أب ولا أم ولا شرطة ولا نيابة.
إحدى الأمهات: ابني لما كان بيجي يعمل حمام الفترة الأخيرة كان بيصرخ صرخات مش مستوعباها لحد ما عرفت السبب.. وفيه بنت لما أخدوها توريهم مكان الغرفة اللي كان بيحصل فيها كدة.. مكنش عليها غير إنها تصرخ وتصوت وعايزة تجري من رعبها من المكان.
آباء الطلبة تقريبا مش بينطقوا من ذهول الموقف واعترافات ولادهم قدام النيابة.. الله يصبر قلوبهم يارب.
رئيس النيابة كان إنسان جدا وهو بيتعامل مع الأطفال وبياخد منهم المعلومات.. وقال لأحد الأطفال في بداية الكلام: نفسك تشتغل ايه لما تكبر قاله عايز أبقى ظابط علشان أحبـ س المجـ رم.. قاله مين المجـ رم.. قاله اللي كان بيعمل فيا كذا وكذا.. وحكى الطفل كل حاجة وسط ذهول الأم.
كل طفل لما كان بيشوف المتهم داخل غرفة التحقيق مكنش بيعمل حاجة غير يصرخ ويتنطط من الخوف.. حتى خايف في وجود مامته ورئيس النيابة من بشـ اعة اللي شافه وعاشه.. شير علشان حق الأطفال يرجع والمدرسة دي تكون عِبرة وكل مجـ رم في دول تثبت عليه التهمة والجـ ريمة ياخد عقوبة تني حياته للأبد.
هقول تاني.. أنا مش بتعامل مع القضية دي كصحفي في الأهرام مختص بوزارة التربية والتعليم.. أنا واخدها كأب لطفلتين بنتين في نفس سن الضـ حايا وبتعامل مع القضية دي زي أي أب وأم ومش هسيبها لحد ما المجـ رمين يكونوا عبرة وفعلا هيكونوا عبرة بقضاء مصر العادل والنيابة العامة اللي بتتعامل بمنتهى الأبوة مع الأطفال.. ولازم لازم المدرسة تكون عبرة لباقي المدارس الخاصة والدولية ومتأكد إن وزارة التعليم هيكون ليها قرارات شديدة الصرامة خلال ساعات قليلة في الموضوع ده بالذات.. ونصيحتي بجد: خدوا بالكم من ولادكم واتكلموا معاهم دايما.. صاحبوهم علشان ميخافوش يتكلموا معاكم عن أي تفصيلة بدون خوف.. أرجوكم
