عينى عليك يا فنان .. كل فنان
رحلتك طويلة و قصتك في كل دار
طول الطريق بتحاول تكسبهم و ترضيهم
و بتستنى منهم كلمة حلوه أو بإبتسامة تلاقيهم
لو غابوا عنك …تحتار وتتوه وسط الأفكار
و لو سألوا عنك… يغيب النوم عنك طول الليل و النهار
بس يا مسكين لا قادر تتكلم ولا تشتكي
و في وسط همومك مُبتسم لكن مِستحي
أنت حرف في كلمة أو خبر في جرنال
أنت شخص في قصة لكن في الأصل بني آدم و محتار
أنت بالنسبلهم قصه سعيدة و نهاية حزينة بس مليانة أسرار
كلمتك محسوبه
نظرتك مدروسه
خطوتك مرصُوده
و قضيتك محسومه
تغلط يفضحوك
تنجح يذموك
تغيب ينسوك
تموت يفتكروك
وعجبي
على رأي شاعرنا العظيم صلاح جاهين
