رحل هوجان عن عالمنا لكن قصته لم ولن تموت
“القوة الحقيقية مش في جسمك دي في قلبك وفي قدرتك تعافر وتكمل حتى لما تنهار ” دي مش مجرد كلمات قالها هوجان في مقابلة دي خلاصة حياته
في عالم المصارعة الحرة القائم على العنف والشراسة قليل جدا من الابطال قدروا يكونوا رمز للبساطة والانسانية في نفس الوقت
هوجان او تيري بولا باسمه الحقيقي ما كانش مجرد نجم في الحلبة بل كان ظاهرة وانسان مليان تناقضات وتحديات تستحق التوقف عنده
طفل حب الموسيقى قبل المصارعة
اتولد هوجان في ولاية جورجيا سنة ١٩٥٣ وكان في البداية مولع بالموسيقى والبيسبول اكتر من المصارعة
لكن بعد اصابة انهت مسيرته الرياضية لقى في المصارعة حبه الجديد وبدأ رحلته في عالم الدبليو دبليو اي اللي كانت معروفة ب WWF
ورغم مظهره القوي لكنه كان دايما بيتكلم عن خجله وحساسياته وعن دعم والدته له والاحساس الدائم بالحاجة لاثبات الذات
تاريخ بطولي في الحلبة
هوجان ماكانش مجرد مصارع بل اسطورة نقلت المصارعة من رياضة تقليدية لعرض عالمي بيتابعه ملايين الناس
من اهم انجازاته
بطل WWF ست مرات
فاز ب Royal Rumble مرتين عام ١٩٩٠ و ١٩٩١
لحظته الاشهر كانت في WrestleMania III لما رفع اندريه ذا جاينت في واحدة من اعظم لحظات المصارعة
ودخل قاعة مشاهير WWE مرتين فرديا وفي فرقة nWo
كان دخوله دايما مصحوب باغنيته Real American مع صرخته اللي بتلهم الجمهور
whatcha gonna do when Hulkamania runs wild on you
وبفضل ده اصبح محبوب الاطفال والكبار رمز للشجاعة والأمل
انسان قبل البطل
بعيد عن الاضواء مر هوجان بتحديات كتير
واجه طلاق مؤلم ومشاكل مالية كبيرة وفقدان اصدقاء
لكنه دايما بيردد القوة الحقيقية مش في جسدك بل في قلبك وقدرتك على الصمود رغم الانكسار
كان بيزور الاطفال المرضى ويتبرع للمؤسسات الخيرية وبيحاول يرد الجميل لجمهوره اللي حبوه
هوجان في السينما
بدأ رحلته في السينما في الثمانينات والتسعينات وشارك في افلام بأدوار خفيفة وكوميدية منها
No Holds Barred ١٩٨٩
Suburban Commando ١٩٩١
Mr Nanny ١٩٩٣
وكمان ظهر في برامج تلفزيونية زي Thunder in Paradise
ورغم ان نجاحه في التمثيل ما وصلش لمستوى شهرته في المصارعة لكنه ترك بصمة مميزة خاصة عند العائلات والاطفال
هوجان مش مجرد مصارع او ممثل بل قصة انسان عرف يستخدم شهرته مش بس علشان يكسب لكن علشان يكون قدوة
هو الراجل اللي كان بيصرخ في الحلبة لكنه في حياته الشخصية كان بيبكي بصمت على فقدان اصحابه ويحمد ربنا في صلاته
في زمن بيحتفي بالقوة وبينسى الانسانية يظل هوجان واحد من الرموز القليلة اللي جمعت بين الاتنين
هو الاسطورة اللي بتتجاوز الحلبة وتوصل لقلوب الملايين في العالم
