“مين دي” سؤال بيتسأل في الكومنتات عندي كتير جدا جدا جدا وانا والله اسمي مكتوب واللي يدخل يتفسح في صفحتي ١٠ دقايق بس حيعرف اسمي واسم جوزي وأسامي ولادي وبناكل ايه وبنسافر فين وكل حاجة
الكلام ده معرفش كم واحد حيشوفه بس أنا صحفية متخصصة في البيئة والعلوم قعدت ٣٠ سنة في جريدة الأهرام في الجرنال الفرنساوي “الأهرام ابدو” وقعدت ٨ سنين رئيس تحرير لمجلات اجنبية تابعة لتاني اكبر ناشر في العالم “سبرنجر نيتشر” من ناحية تانية أنا مطربة معتمدة في الاذاعة والتلفزيون المصري من ٩٢ وطلعت في حفلات اضواء المدينة سنة ٩٣ وسنة ٩٤. اتخطبت سنة ٩٥ قررت اني مش حكمل في الغنا عشان ما كنتش عايزاه يبقى شغلي وكنت مفضلة انه يفضل هواية. بدأت سنة ٢٣ اعمل حفلات خاصة بيا بس برضة في إطار الهواية.
عارفين بعد كل ده لو لقيت تعليق بيقول “مين دي” حعمل فيكم ايه ؟
اعملوا مجهود يا جماعة بربع جنيه وادخلوا دوروا واعرفوا أنا مين ده لو مهتمين يعنى!
الصحفية والفنانة داليا عبدالسلام تكتب اللى هيسال مين دى تانى مش عارفة هعمل فيه ايه!
و هل يخفى القمر ؟! الاميرة المتوجة على عرش قلبي