ولو مصر ياغاليين ياشعب مصر كانت دوله ضعيفه كان زمان مصر من عام ونصف سابق اتفتحت حدودها وانت كمصرى (( كنت هتلاقى عندك دوله جديده بشعب جديد فلسطينى فى سيناء )) وكان دلوقت هتلاقى على شاشة الاخبار الفلسطينيين بيتظاهروا فى العريش او الشيخ زويد عشان الدوله المصريه مش مهتمه باحتياجاتهم وكمان كل مؤسسات العالم المسيسه هتتخانق مع مصر عشان ليه مش مهتمه ب ٢ ونص مليون فلسطينى فى سيناء وبيحذروا ان مصر لو ما نفذتش مطالب الشعب الفلسطينى فى سيناء الدول الغربيه هتنزل تنفذ مطالبهم وبامر من مجلس الأمن الدولى (( وسنه كمان هتلاقى دوله منفصله اخدت حته من مصر )) وانتوا على الفيس بوك وغيرة (( بتتخانقوا وبتحاربوا طواحين الهواء بلا اى نتيجه )) كده وضحنا تفصيليا يعنى ايه مصر ويعنى ايه قوة مصر وثباتها
——————
(( قوة مصر فى استقرارها داخليا وأمان شعبها )) بعد كده تيجى كل حاجه تانى
——————-
ترامب يتراجع خاسرا فى كل الملفات واولها الاقتصاديه : زى ما قلنا بالحرف اليوم اصدر ترامب اوامره باستثناء تقريبا كل شئ من المكسيك وكندا من الرسوم الجمركيه الجديده
ليه رجع ترامب فى كلامه (( لان ببساطه كندا والمكسيك )) فهموا سيناريو سياسة الضغوط القصوى ولعبوا سياسه مظبوط كندا والمكسيك مقدموش اى تنازلات واشتغلوا بمبدأ بنقوله بالمصريه العاميه (( يانعيش عيشه فل يانموت احنا الكل ))
واللى مات فورا وكان بيطلع فى الروح الاقتصاد الاميركى كله فى كل المجالات (( كارثه كبيره جدا مازالت تتصاعد )) حتى بعد مارجع ترامب عن كل كلامه انهيار للبورصه ب ٣ تريليون دولار انتوا متخيلين الرقم ده (( ده كان ترامب بيرقص عشان تريليون دولار هياخده من السعوديه )) مخدتش ولا مليم منه لسه
كان ترامب بيقول تريليون دولار من السعوديه هتشغل خمسه مليون اميركى وتفتح وتشغل ١٠٠ الف مصنع لمدة عشر سنوات وتكسب اميركا ٥٠ تريليون دولار
خلال ١٠ سنوات
الرسوم الجمركيه على الاتحاد الأوروبي والصين وكندا والمكسيك واليابان وكوريا الجنوبيه
كان عايز ترامب يجمع منها ٨٠٠ مليار دولار يعنى اقل من تريليون دولار(( والبورصه فى يوم واحد خسرت ترامب/ اميركا )) اضعاف احلام ترامب وجابت اقتصاده والاسعار والغلاء والبطاله والمشاكل وهبدت ترامب سابع ارض
ده غير طبعا تكتل دول الماسونيه (( اوروبا ، كندا ، استراليا، وغيرهم ، … واعلانهم وبدء الحرب مباشرة على ترامب )) والاتنين بيخسروا جدا جدا جدا (( واحنا سعداء جدا جدا جدا
وبنقول اطمنوا بكل ثقه ويقين فى الله ثم بمعلومات دقيقه على رقعة شطرنج العالم(( وكلها معلنه وقلناها وبنقولها تفصيليا مش اسرار يعنى ولا اوهام ))
———————————-
سوريا حقيقة الاحداث دون خيالات واوهام :
هنضحك طبعا عشان فعلا الموضوع مضحك جدا أكيد اصدقائنا الأعزاء لو اللى حصل فى الساحل السورى شئ مهم كنتوا هتلاقوا تقريري نزل فورا سواء قبل بداية الاحداث او اثنائها زى ماقلنا حرفيا وقت بداية هجوم جبهة تحرير الشام بقيادة الجولانى المخطط كامل
وكانت الناس مستغربه اما قلنا بشار بيجهز للمغادره وسوريا هتسقط بالكامل خلال ١٠ ايام وقلنا كل يوم ايه بيتم على الارض وقلنا بشار غادر وامتى ومنين ثم ذكرنا بدقه دخول مرتزقة الصهيونيه(( هيئة تحرير الشام )) دمشق وتوجههم نحو القصر الرئاسى
وكل القنوات الاخباريه كانت بتقول العكس
والكل نام وصحى تانى يوم الصبح على صور سقوط القصر الرئاسى (( سفارة مصر وقنصليتها وابطالها )) موجودين على الارض فى اى مكان يمس الامن القومى المصرى
بالتالى المعلومات الحقيقيه بتكون واضحه ودقيقه …طبعا ماحدث اشتباكات قلنا هتحصل وكتير وقلنا كده كده سوريا مقسمه لتركيا وإسرائيل(( تحت مسمى الدروز )) واميركا (( تحت مسمى الاكراد ))
ولكل حد واى حد عايز حته (( آخرها روسيا اتفقت خلاص مع ترامب/ الصهيونيه وقواعدها مكمله )) والشرع وحكومته اخدوا اوامرهم بالفعل بخدمة الجانب الروسى فى كل مايحتاجه والشرع لم يغادر سوريا ولاراح إسرائيل ولاحاجه خالص
وانقلاب اللى الناس فرحت وفضلت تنزل التريند بتاع انقلاب فى سوريا
(( احب اقول لحضرتك انك ساعدت إسرائيل والصهيونيه العالميه اكبر واحلى مساعده بجهلك )) كلمة انقلاب يا أصدقائي تطلق على هدم سلطه شرعيه وبكده ياصديقي المغيب اما نشرت ان حصل انقلاب على الشرع معناها انه السلطه الشرعيه لسوريا واحنا مصر قلنا رسميا (( سلطة الأمر الواقع )) ووزير خارجية مصر قالها فى لقاء رسمى على شاشة التلفزيون المصرى والسلطه الشرعيه يا أصدقائي مش شرط ابدا يكون رئيس منتخب او غيرها يعنى لو رئيس تم ادانته بالخيانه والعماله ازاحته واجب قومى من الشعب ومؤسساته (( وحاولوا وكانوا هيموتوا يقولوا انقلاب على رئيس الاخوان ))
وقدرت مصر (( بشعبها )) تؤسس لجمهورية جديده بكامل الشرعيه دوليا واقليميا ومحليا انتخابات تحت اشراف وسمع وبصر العالم كله وكذلك دستور وكذلك مجلس نواب وشيوخ
حتى سقوط بشار ونظامه مصر لم تذكر ابدا انه انقلاب على بشار (( حتى مع اختلافنا الجذرى مع تحرير الشام وقيادتها )) لان ببساطه اللى يقول ده شعب سوريا وبوضوح بشار ونظامه فقدوا شرعيتهم من زمان جدا مع تمسكهم بالسلطه على حساب وطن وشعب
بإختصار ماجرى فى سوريا مجرد مناوشات اتعودوا عليها لانها هتحصل طول الوقت (( اى دوله مستباحه ومقسمه وممزقه )) اى حد عايز يعمل حاجه هيعملها ما الدروز عملوا اكتر من كده ليهم شهور عادى يعنى والاكراد كذلك طبيعى الشيعه (( العلويين )) بدعم ايرانى بيحاولوا عادى يعنى م (( ده طبيعى وقلنا هنشوفه طول الوقت ))
خليك مصرى ناصح كده واتكلم بنفس حديث دولتك المحترمه (( فى اى شئ رسمى طلع من مصر قال انقلاب ولا غيره ؟؟؟ )) اتفرج فى هدوء والمفروض دلوقت ملف سوريا وليبيا والسودان واليمن وغزه وفلسطين وغيرها (( كلها كتاب مفتوح بين ايديكم ))
تابعوا بهدوء لانكم ببساطه فاهمين تماما ما يدور (( سابقا ، حاليا ، والمنتظر طبعا بامر واذن الله ))
نفرح كالمعتاد بشوية اخبار عن مصر الجميله :
نشوف كده قلنا ايه كل يوم وبنكرره فى تقاريرنا عن غزه على سبيل المثال :
قلنا قرار القمه الطارئة هيخرج بتأييد مطلق لمصر (( حصل ونزلنا البيان الختامى ))
قلنا بالتفصيل ليه تونس والجزائر والمغرب محضروش وقلنا قبل القمه الكلام ده (( وقلنا رغم ذلك هيوافقوا على قرار وخطة مصر )) وحصل لان الرأى والبيان الختامى والقرار كل ده فى جامعة الدول العربية وطبقا لميثاقها (( شرط فيه الإجماع ١٠٠% ))
يعنى وافقوا
وقلنا السعوديه والامارات والكويت محضروش لان فى ترتيبات بتتم فى نفس الوقت بالتنسيق مع مصر وهما بالفعل خلاص نظموا مع مصر كل حاجه (( مصر + الاردن + الخليج كله + العراق )) : = وكل الهبد على الفيس وغيرة كان غلط= رئاسة وزراء السعوديه وولى العهد اصدروا بيان رسمى بدعم والموافقة الكامله على كل حرف صدر من قمة القاهره
وكمان الامارات وكمان الكويت وسلطنة عمان
وكمان حاليا ولى العهد عقد قمه لمنظمة دول التعاون الإسلامي ومقر المنظمه جده (( وعددهم ٥٧ دوله )) للخروج ببيان يدعم خطة القاهره طبقا لجهود التعاون بين مصر والسعودية وطبعا امير قطر وبيانه الرسمى عن دوله فلسطينيه على حدود ٦٧ وعاصمتها القدس الشرقيه ..تعالوا نقول دلوقت بعد مباراة الكام يوم اللى فاتوا منذ قرارات القمه العربيه وخطة مصر تم ايه ؟؟؟ :
من ساعتين ويتكوف مبعوث ترامب قال حرفيا
خطة مصر لإعمار غزه تجدها اميركا ايجابيه بها عناصر جذابه كثيره ونواياها طيبه ونتفاعل معها (( خطة ايه سمعنا كده ؟؟؟ خطة مصر )) اشجينى اشجينى اشجينى خطة مصر اجتماع مباشر بين اميركا وحماس بالدوحه لخروج قيادات حماس (( فقط من غزه ))
مش ده حرفيا قلناه بوضوح كمطلب مصرى هتنفذه مصر وقلنا حرفيا مفيش حاجه اسمها كل حماس او نزع سلاح ونسيب غزه دون اى مقاومه ؟؟؟
*** ترامب اليوم اعلن بنفسه رسميا بعد تصريحات مبعوثه ويتكوف ان الخطه المصريه ايجابيه قال ترامب هدنه طويله وانتهاء الحرب والافراج عن الرهائن ومغادرة قادة حماس:
***** اللى مش هتسمعوه فى اى مكان :
هنقوله بشكل بسيط يوصل المعلومه
الو ترامب انت حالتك بالبلا ومزنوق وهتشحت خدلك قرشين يسندوك كده واستهدى بالله ومتقلش غزه واحتلالها والعبط ده عشان لو كملنا خنقك فى افريقيا وقفلنا خالص على الخامات والذهب اميركا هتنهار خالص والشعب الاميركى هيعدمك فى ميدان عام
طيب هتدونى كام ؟؟؟
التفاوض شغال هياخد كام بشكل شخصى (( كترامب )) وهياخد كام كأميركا(( وبالفعل الخليج بيتمم ده ))
وبصراحه وبكل وضوح
اللقاء الأخير للرئيس والاردن ودول الخليج اللى تم بعد زيارة الرئيس لاسبانيا (( وضح للجميع ازاى تقدر مصر تنقذهم)) من اتاوات ترامب وتلاعبه وتخليهم كمان هما الاقوى اللى يفرضوا على ترامب كل حاجه الحقيقه برضوا (( ودى حقائق مفيش فيها لبس ))
واحنا كنا بنهاجم اى خطأ يحصل ضد مصر من السعوديه ولا الامارات ولا الكويت ولاقطر ولا الجزائر وبوضوح والاسماء ودون اى تردد
عشان كده بنقول الحقيقه (( ولى العهد ودول الخليج وملك الاردن المحترم الشجاع المخلص وقيادة العراق المحترمين جدا )) فهموا بدقه اللعبه على رقعة الشطرنج هتتلعب ازاى بشكل جماعى
ويراعى كل المصالح
عشان كده البنك الدولى هيشرف على اعمار غزه واحنا كشركات وغيرها هننفذ الاعمار وناخد كل مكاسبنا (( وهتلاقوا نصا صندوق اعمار غزه باشراف دولى من البنك الدولى ))
باختصار ترامب يتراجع وهتنفذ مصر بإذن الله اللى هيا عايزاه طيب احنا كمصر القادم أفضل ازاى ؟؟؟ برضوا هنرجع لترامب:
بالفعل بدأت خطوات نهاية حرب أوكرانيا امس روسيا طحنت أوكرانيا بهجوم غير مسبوق تقريبا ٦٠ صاروخ استراتيجى هائل التدمير واكثر من ٢٠٠ مسيره زيلينسكي شبه سلم وخرج اليوم يطلب من بوتين هدنه (( جويه )) يعنى يوقف القصف ترامب وقف كل معلومات الاقمار الاصطناعيه الامريكيه وشوش على الاوروبيه وقفل انظمة الباتريوت وأنظمة صواريخ هايمارس الامريكيه وساب الجيش الأوكراني اعمى يتخبط (( وقيادة الجيش بلغت زيلينسكي )) ان الاستمرار كده مستحيل ويعنى انهيار كامل للجيش واوكرانيا خلال اسابيع قليله (( ستة اسابيع بدقه )) وترامب اعلن من قليل انه هيزور السعوديه خلال (( الستة اسابيع القادمه )) هيكون موجود بوتين وتوقعات وقف حرب أوكرانيا الوقت ده (( وزيلينسكى هيوافق )) ترامب قال للصين مش هنساعد تايوان ومفيش ازمه خلاص والصين موحده ومفيش كلام اميركى تانى عن تايوان مستقله ولا سلاح ولادعم وتقدروا ترجعوا تانى بكل التبادل التجارى مع تايوان (( وده مكسب كبير جدا اقتصادى وسياسى للصين ))
= عشان كده الصين مش بتعمل اى هجوم بتصريحات على الرسوم الجمركيه وبتتفاوض عليها مع ترامب = وكمان خرجت بتأيد كلام ترامب حرفيا عن نهاية حرب أوكرانيا والسلام (( وقالت انها هتدعم السلام ده ))
(( وحصتها استمرار تدفق بترول وغاز روسيا وايران ليها ))
وترامب وافق
حتى ايران ترامب خرج اليوم وقال هيتم اتفاق مع ايران (( سياسى / اقتصادى )) ووصفه
بأنه هيكون بمثابة انتصار عسكرى :
ببساطه كده كده ايران قلنا وجه اخر من الصهيونيه العالميه شاء من شاء وابى من أبى(( ومش هتعمل اى سلاح نووى )) ولاعمرها هتدخل حرب مباشره مع الغرب
يعنى فتيل ازمة ايران هيتحل مع شوية كلام مزوق باشراف دولى على منشآتها النوويه وتخفيض اجهزة الطرد المركزى لتخصيب اليورانيوم وغيرها من الجمل الرنانه
والحوثيين خلاص ايران تقفل عليهم والعقوبات الاقتصاديه على ايران تتخفض(( ومالكيش دعوه يا ايران بدول الخليج )) لانهم دفعوا من اجل حمايتهم
****** السودان كمان وليبيا ملفين هيميل فيهم ترامب تماما لمصر (( وهو اعلن ده منذ اللحظه الأولى )) : = السودان = خامات + ذهب واميركا تم اخراجها من المعادله دى تماما (( عايزه ترجع الاتفاق مع مصر + روسيا + الامارات )) (( مصر يعنى البرهان + الامارات يعنى حميدتى )) واضح كده واضح يا بيه.
ومصر والامارات نظموا تماما المصالح بعد فترة لخبطه كبيره والصلح بكل وضوح كانت استثمارات رأس الحكمه
=== وليبيا يعنى ترسيم حدود بحريه تم من مصر وشركات اميركا ، بريطانيا، فرنسا، ايطاليا، روسيا ..كلهم نفسهم يدخلوا اكبر خامس دوله عالميا (( فى البترول والغاز ))
وهنا بنقول يدخلوا يستثمروا لأنهم حاولوا ينهبوها والخط الاحمر على الارض والبحر اترسم من سنين مفيش مخلوق قدر ولاهيقدر باذن الله يكسره = اذا لازم استقرار ليبيا والكل يستفيد ليبيا وشعبها ومصر وشعبها (( وكل الدول اللى عايزه تستثمر ))
ونربط خطوط الغاز والبترول (( اللى خلصت بالفعل )) للتصدير من موانئ جربوب المصريه
داخل قاعدة جربوب العسكريه المصريه على الحدود مع ليبيا لخطوط الطاقه والكابلات والانابيب الى جزيرة كريت اليونانيه ومنها لايطاليا ثم اوروبا ده غير خطوط قبرص (( وحاليا اميركا/ ترامب )) بيتفاوضوا على شراكه استثماريه مع مصر وأوروبا للاشتراك فى تمويل المراحل المتبقيه لهذه الخطوط
باذن الله ميكنش فى حاجه نسينا نغطيها تمس مصر وتؤدى لخير مصر وشعبها :
نتابع خطوه بخطوه مايتم ونتمنى ترامب خلال فترة رئاسته الاربع سنوات تقدر مصر تكون نفذت كل الخطوات اللى محتاجاها دى كلها ان شاء الله ربنا يحفظ مصر وشعبها بخير وتقدم وأمان.
