دي كلمه دايماً لازم تفكر بيها نفسك لما تتصدم في حد وثقت فيه وحكيتله خصوصياتك وأسرارك وخانك حتي لو حكاها لشخص تاني بدون إذنك .. سواء علشان يوقع بينك وبينه لغرض او مصلحه او تحت مسمي انه كان بيحميك او بيحميه ويحط السم في العسل أو انه ماكانش قاصد والكلام جاب بعضه او أي مانشيت ومسمي يريح بيه ضميره الغايب في الواقع .. والصداقه مش بعدد السنين ولا العشره الطويله الصداقه الحقيقه هي الامانه والامان في العلاقه والي مهما حصل تبقي عارف إن سرك في بير وعلشان ترتاح لازم تحط كل شخص تحت مسمي العلاقه الطبيعي
ناس عرفتهم بالوقت وناس بتجدد ثقتك فيهم طول الوقت بالمواقف وناس مجرد معارف وناس علاقات إجتماعيه ومصالح مشتركه لا تسمن ولا تغني من جوع وناس الجيره هي الي فرضت المعرفه وناس مجرد زمايل عمل او دراسه وممكن ناس تعرفهم علشان يادوب تقضي معاهم كام ساعه وقعده حلوه وخلاص ساعتها انت بتحصن نفسك من وجع خذلان التوقع وبترتاح.
الفنانة سحر نوح تؤكد لكم: ما خانك الأمين ولكنك إئتمنت الخائن
